Houston : સુનીતા વિલિયમ્સ ત્રીજી વખત અવકાશમાં જશે.

 

સુનીતા વિલિયમ્સ ત્રીજી વખત અવકાશમાં જશે.

આવતા મહિને બોઈંગ સ્ટારલાઇનરની સમાનવ અવકાશયાત્રામાં જોડાશે

 ભારતીય અમેરિકન મહિલા અવકાશયાત્રી સુનીતા વિલિયમ્સ આવતા મહિને અવકાશયાત્રા કરશે. તે અવકાશમાં આવેલ આંતરરાષ્ટ્રીય અવકાશમથક પર જશે અને તેમના જીવનની આ ત્રીજી અવકાશયાત્રા હશે.

બોઈંગ સ્ટારલાઈનરની આ પ્રથમ સમાનવ અવકાશયાત્રાના અવકાશયાનનું પાયલોટિંગ સુનિતા વિલિયમ્સ પણ કરશે. આ અવકાશયાત ૧ જૂનથી ૫ જૂન વચ્ચે લોન્ચ થવાની અપેક્ષા રાખવામાં આવે છે. ૫૮ વર્ષીય સુનીતા આ પહેલાં બે વખત અવકાશયાત્રા કરી ચુક્યા છે. આવતા મહિનાની આ અવકાશયાત્રામાં સુનીતા વિલિયમ્સની સાથે બીજા અવકાશયાત્રી બચ વિલમોર હશે. તેઓ આંતરરાષ્ટ્રીય અવકાશમથક પર જવા રવાના થશે. સુનીતાના પિતા દીપક પંડ્યા મૂળ ગુજરાતી છે જ્યારે માતા ઉર્સુલીન બોની એ મૂળ સ્લોવેન-અમેરિકન છે. સુનીતાનો જન્મ અમેરિકાના ઓહીયો સ્ટેટના યુકલીડમાં થયો હતો. અત્રે ઉલ્લેખનીય છે કે આ પહેલા ટેકનીકલ ખામીને કારણે બોઇંગના અવકાશયાનની ફ્લાઈટ મુલતવી રહી હતી.